संरक्षण मंत्रालयाच्या संयुक्त सेवांचा निकाल जाहीर

महाराष्ट्रातील 17 पुरुष व 3 महिलांचा समावेश

नवी दिल्ली ( ४ फेब्रुवारी २०१९ ) : संरक्षण मंत्रालयाच्या विविध सेवांकरिता घेण्यात आलेल्या ल्या एकत्रित परिक्षांचा निकाल आज जाहीर झाला. देशभरातील 172 उमेदवरांची निवड झाली असून महाराष्ट्रातील 17 पुरुष उमेदवार व 3 महिला उमेदवारांचा यात समावेश आहे.

संरक्षण मंत्रालयाच्या विविध सेंवांकरिता उमेदवारांच्या निवडीसाठी केंद्रीय लोकसेवा आयोगाने 2018 मध्ये लेखी परिक्षा घेतली होती. लेखी परिक्षेत उत्तीर्ण झालेल्या उमेदवारांच्या मुलाखती संरक्षण मंत्रालयाच्या सेवा निवड मंडळाने घेतल्या असून आज अंतिम निकाल जाहीर करण्यात आला. देशातील 130 पुरुष व 42 महिला अशा एकूण 172 उमेदवारांची निवड करण्यात आली असून महाराष्ट्रातील 17 पुरुष उमेदवार व 3 महिला उमेदवारांचा यात समावेश आहे.

गुणांकन यादी नुसार महाराष्ट्रातील निवड झालेल्या पुरुष उमेदवारांची नावे

देशातील 130 पुरुष उमेदवारांची यादी जाहीर करण्यात आली असून यात महाराष्ट्रातील पुढील एकूण 17 उमेदवारांचा समावेश आहे. मयुर मनोहर हिवळे(9), योगेश शिवाजी वानवे (18), सिध्देश कावळकर (22), विनोद राजेंद्र शिंदे (51), ओंकार दिगंबर उधान (57), अक्षय बब्रुवाहन टाळके (61),अनिवेश अरविंद होळे (64), मयुर राजेश तलवाले (81), अभिजीत दत्तात्रय ताम्हणकर (90), रिषभ भारत भालेराव (96), कैवल्य सतिश कुळकर्णी (98), हर्षवर्धन अनिल चव्हाण (109), उदित हेमंत देसाई (110), संकेत भरत जाधव (115), भरत शंकर गंटी (117), अभिनव प्रधान (119), श्रेयस बब्रुवाहन पाटील (130).

गुणांकन यादी नुसार निवड झालेल्या महिला उमेदवारांची नावे

देशातील 42 महिला उमेदवारांची यादी जाहीर करण्यात आली असून यात महाराष्ट्रातील पुढील एकूण तीन उमेदवारांचा समावेश आहे. प्रिती पवार (5) राधिका सतिश तळेकर (7) अन्वेशा प्रधान(25).

निवड झालेल्या उमेदवरांचे एप्रिल 2019 पासून प्रशिक्षण

निवड झालेले पुरुष उमेदवार संरक्षण मंत्रालयाच्या चेन्नई स्थित अधिकारी प्रशिक्षण संस्थेच्या 109 व्या शॉर्ट सर्विस कमिशन कोर्स मध्ये सहभागी होतील तर महिला उमेदवार याच संस्थेच्या 23 व्या शॉर्ट सर्विस कमिशन कोर्स मध्ये सहभाग घेतील. हा प्रशिक्षण कार्यक्रम एप्रिल 2019 पासून सुरु होणार आहे.
Labels:

Post a Comment

[facebook][blogger]

Contact Form

Name

Email *

Message *

Powered by Blogger.
Javascript DisablePlease Enable Javascript To See All Widget