अणुऊर्जा विभागांतर्गत टाटा मेमोरिअल रूग्णालयाच्या आवारात अतिक्रमित भूखंडाच्या पुनर्विकासासंदर्भात गृहनिर्माणमंत्री महेता यांच्या अध्यक्षतेखाली बैठक झाली. या भूखंडाचा विकास करण्यासाठी दहा दिवसांच्या आत सर्व्हेक्षण करण्यासाठी टाटा रूग्णालयाने ना हरकत परवानगी द्यावी. या भूखंडाचा विकास करताना गेली ६० ते ७० वर्षे रहिवाशी असलेल्या तेथील झोपडपट्टीधारकांचे पुनर्वसन होण्याची आवश्यकता आहे. संबंधित भूखंडाची विभागणी करून रूग्णालय, झोपडपट्टी धारक आणि विकासकासाठी खुल्या विक्रीसाठी जागा देण्यासंदर्भातला आराखडा तयार करण्याच्या सूचना देऊन या आराखड्यात जास्तीत जास्त जागा ही टाटा रूग्णालयाच्या इमारतीसाठी देण्यात यावी तसेच, इमारतीचे बांधकाम करून ती विनामूल्य टाटा रुग्णालयाकडे सुपुर्द करण्याचे निर्देशही महेता यांनी यावेळी दिले.
टिप्पणी पोस्ट करा