मधुकर सहकारी साखर कारखान्याच्या साखर मालतारण खाती अपुरा दुरावा (शॉर्ट मार्जिन) आहे. यामुळे जिल्हा बँकेकडून या कारखान्यास कर्ज उपलब्ध होऊ शकत नाही. या कारखान्याच्या कार्यक्षेत्रात मोठ्या प्रमाणात ऊस असल्याने शेतकरी व कामगार हितास्तव कारखाना सुरु होणे अत्यंत आवश्यक आहे. या कारणाने, या वर्षापुरते कारखान्याच्या गाळप क्षमतेनुसार अनुज्ञेय असलेल्या ७ कोटी रुपये रकमेच्या पूर्व हंगामी अल्प मुदत कर्जास शासन थकहमी देण्यास मान्यता देण्यात आली आहे.
राज्यात मागील ५ ते ६ वर्षांपासून असलेली दुष्काळी परिस्थ‍िती, साखरेचे कमी झालेले दर, साखर कारखान्यांची हलाखीची आर्थिक स्थिती या पार्श्वभूमीवर कारखाना क्षेत्रातील ऊस उत्पादक शेतकरी, सभासद, शेतमजूर व साखर कारखान्यांचे कर्मचारी यांच्या हितासाठी कारखाने सुस्थ‍ितीत सुरु ठेवता यावेत, ऊस उत्पादक शेतकऱ्यांची एफआरपीची रक्कम देता यावी, यासाठी थकहमी देण्याचा हा निर्णय उपयुक्त ठरणार आहे.
टिप्पणी पोस्ट करा