बुलढाणा येथील लोणार येथे अशनीपातामुळे निर्माण झालेले जगप्रसिद्ध खाऱ्या पाण्याचे सरोवर असून यातील पाणी झपाट्याने घटत असल्यासंदर्भात सदस्य संजय रायमुलकर यांनी लक्षवेधी मांडली. त्यास उत्तर देताना मुनगंटीवार बोलत होते.
मुनगंटीवार म्हणाले, लोणार सरोवरातील झऱ्यांचा व पर्यावरणीय प्रश्नासंदर्भात भूजल सर्वेक्षण आणि विकास यंत्रणेमार्फत २०१७-१८ मध्ये भूभौतिक सर्वेक्षण करण्यात आले आहे. यामध्ये भूपृष्टीय भागापासून ते खोलवर भूशास्त्रीय अभ्यास करून सुद्धा लोणार सरोवर परिसरातील झऱ्यांचा उगम अथवा झऱ्यांना पाणीपुरवठा करणारे स्त्रोत निश्चित करता आले नाही. तरी, स्थानिक आमदारांच्या अध्यक्षतेखाली समिती स्थापून, सरोवरातील पाण्याच्या स्त्रोतासंदर्भात अहवाल मागविण्यात येईल. वन तोडीसंदर्भात संबंधित अधिकाऱ्यांवर कारवाई करण्यात येईल, असेही मुनगंटीवार यांनी यावेळी सांगितले.
टिप्पणी पोस्ट करा