पाणी गुणवत्ता बाधीत गावांमध्ये डीएफयू, आरओ, यूव्ही, यूएफ व वॉटर चिलर बसविणे बाबत आज मंत्रालयात बैठक आयोजित करण्यात आली होती. त्यावेळी लोणीकर बोलत होते. त्यावेळी पाणी पुरवठा व स्वच्छता विभागाचे अपर मुख्य सचिव श्यामलाल गोयल व विभागाचे अधिकारी उपस्थित होते.
लोणीकर म्हणाले, निती आयोगामार्फत राज्यातील फ्लोराईड बाधीत 122 गावे/वाड्या पाणी शुद्धीकरण यंत्रणा (डीएफयू) कार्यान्वित करण्याचे काम प्रगतीपथावर आहे. राष्ट्रीय ग्रामीण पेयजल कार्यक्रम व जलस्वराज्य टप्पा-2 अंतर्गत राज्यातील क्षारबाधीत 111 गावे/वाड्यात पाणी शुद्धीकरण यंत्रणा कार्यान्वित करण्याचे काम प्रगतीपथावर आहे. राज्यातील फ्लोराईड बाधीत 100 गावे/वाड्यात हात पंपावर आधारित पाणी शुद्धीकरण यंत्रणा कार्यान्वित करण्याच्या कामाची निविदा तयार करुन मंजुरीसाठी सादर केली आहे.
चंद्रपूर व जालना जिल्ह्यात कार्यान्वित करण्यात येणाऱ्या पाणी शुद्धीकरण यंत्रणेत सुमारे 300 वॉटर चिलर बसविण्याबाबतची निविदा 9 जुलै रोजी प्रसिद्ध करण्यात आली असल्याचेही लोणीकर यांनी सांगितले.
टिप्पणी पोस्ट करा