कोल्हापूर जिल्हयातील सोनवडे-घोडगे हा कोल्हापूर व सिंधुदुर्ग या जिल्हयांना जोडणा-या घाट रस्त्याला राष्ट्रीय वन्यजीव मंडळाची दुस-या टप्प्याची मंजुरी प्रलंबीत होती, आजच्या बैठकीत यास मंजुरी देण्यात आली. यासह अमरावती जिल्हयातील मेळघाट या वनाच्छादीत व आदिवासीबहुल भागातील चौराकुंड-खोपण-खोलमार रोड पासींगच्या कामासह करंजखेडा-हातरू-राजपूर-सेमाडोह या 16 कि.मी. रोड पासींगला मंजुरी देण्यात आली आहे. मेळघाट व्याघ्र प्रकल्पाच्या कोअर भागातून जाणा-या या रस्त्यांचे काँक्रीटीकरण राष्ट्रीय वन्यजीव मंडळाच्या परवानगी अभावी अपूर्ण होते.
चंद्रपूर जिल्हयातील राजगड-पुगलर ट्रांसमीशन लाईन आणि निमगांव लघु पाटबंधा-याच्या कामालाही आजच्या बैठकीत मंजुरी देण्यात आली.
याबैठकीत महाराष्ट्रासह आंध्रप्रदेश, उत्तराखंड आणि मध्यप्रदेशातील प्रकल्पांनाही मंजुरी देण्यात आली .
टिप्पणी पोस्ट करा