मुंबईत करोना रुग्ण संख्येचा वाढता आलेख

आतापर्यंत सर्वाधिक रुग्ण 

दिवसभरात आढळले तब्बल २,८७७ नवीन रुग्ण

मुंबई : मुंबईत दिवसेंदिवस करोनाच्या रुग्ण संख्येत वाढ होत आहे. आज दिवसभरात तब्बल २,८७७ नवीन रुग्ण आढळले आहेत. तर बुधवारी १७ मार्चला २,३७७ रुग्णांची नोंद झाली होती. दरम्यान, ७ ऑक्टोबर २०२० मध्ये सर्वाधिक २,८४८ करोना रुग्ण आढळले होते. 

आता करोना बाधित रुग्णांची संख्या ३ लाख ५२ हजार ८३५ वर पोहोचल्याने मुंबईत करोना रुग्ण संख्येचा आलेख वाढू लागला आहे.

दरम्यान, आज दिवसभरात ८ रुग्णांचा मृत्यू झाल्याने मृतांचा आकडा ११ हजार ५५५ वर पोहोचला आहे. 

तर दिवसभरात १,१९३ रुग्णांनी कोरोनावर मात केल्याने आतापर्यंत ३ लाख २१ हजार ९४७ रुग्णांनी करोनाला हरवले आहे. सध्या मुंबईत १८,४२४ सक्रिय रुग्ण विविध रुग्णालयात उपचार घेत आहेत.